Free sheet music

Comments

Leave an email if you need an answer

Name or pseudo :


Email address (optional) :


Anti-spam. How are operation





Lyrics

1. Mirk and rainy is the nicht,
There's no a star in a' the carry.
Lichtnins gleam athwart the lift,
And cauld winds drive wi' winter's fury.

Oh, are ye sleeping, Maggie, oh,
And are ye sleeping Maggie,
Let me in for loud the linn
Is howling over the warlock craigie.

2. Fearfu' soughs the boortree bank,
the rifted wood roars wild and dreary.
Loud the iron yett does clank,
the cry of hoolits mak's me eerie.
Oh, are ye sleeping Maggie...

3. Abune ma breath, I daurnae speak,
for fear I rouse your waukrife Daddy.
Cauld's the blast upon my cheek,
o, rise, o, rise, my bonnie lady.
Oh, are ye sleeping Maggie...

4. She's ope'd the door, she's let him in,
she's cuist aside his dreepin' plaidie.
Blaw yer warst ye rain and wind,
for Maggie noo I'm in aside ye.

Noo since your waukin' Maggie,
noo since your waukin' Maggie,
what care I for hoolits cry,
for boortree bank or warlock Craigie.