Free sheet music

The sheet music Très bonne et belle

Comments

Leave an email if you need an answer

Name or pseudo :


Email address (optional) :


Anti-spam. How are operation





Lyrics

Tres bonne et bele, me oueil
Joieuse pasture
Prennent en vostre figure,
Simple et sans orgueil,
Et mes cuers en vostre acueil
Vie et douce norriture.


1. Quant vo maniere meüre,
Rassise et seüre
Voy, d'onneur sui en l'escueil;
Et quant vo regardeüre
Riant par mesure
Vient seur moy, tout bien recueil;

2. Car je sui si en mon vueil
Qu'en moy joie dure
Qui de plus grant m'asseüre.
Adont le fruit cueil
D'espoir, se vrais estre vueil
Vers vous, dame nette et pure.

3. Si que chose ne m'est dure
Que pour vous endure,
Qu'il n'a dessous le soleil
Femenine creature,
Où mis ait Nature
Si dous vis ne corps pareil.

4. Et pour ce à vous servir vueil,
Sans penser laidure,
Com cils qui d'autre n'ai cure,
N'autre amer ne sueil,
Einsois à ce m'apareil
Humblement, sans mespresure.

5. Se Desirs par sa pointure
Me tient en ardure
Long de vous, dont mon vis mueil
Sous celée couverture,
Dame c'est droiture,
Si que pas ne m'en merveil.

6. Mais lors vos graces concueil
Qu'en mon cuer figure;
Là pren je encoiseüre,
Et pas ne me dueil,
La respreng en out deuil,
Car c'est leur desconfiture.


-->